15 қазан күні Алматыда Hyundai Trans Kazakhstan зауытындағы дәнекерлеу және бояу цехтары салтанатты түрде ашылды. Аумағы 36 мың шаршы метр кәсіпорын 700 адамды жұмыспен қамтиды.
Салтанатты шараға топ-менеджерлер ғана емес, Асқар Мамин, Бейбіт Атамқұлов сынды шенділер қатысты. Телекөпір арқылы Корея Республикасының сауда министрі Сон Юн Мо, Hyundai Motor Company президенті Ли Вон Хи мен Hyundai Motor Russia және ТМД басшысы Сон Кенг Су байланысқа шықты.
Қазір зауыттың шамасы жылына 30 мың машина құрастыруға жетеді, бірақ жуық арада оның қуатын 45 мыңға арттыру көзделіп отыр. Мұнда шығарылатын өнімнің жартысы Қазақстан нарығына арналған. Қалған жартысы Өзбекстан мен өзге де ТМД елдеріне экспортталады.
Бастапқы кезеңде дәнекерлеу және бояу цехтары Hyundai Accent шанақтары өндіреді. Басқа модельдер ірі торапты әдіспен жасалады.
Комментариев: 0