Green Sm компаниясында қызмет ететін тұрғындар жиналыс өткізіп жатыр деген ақпарат 25 маусымда шыққан. Әлеуметтік желіде таксистер ақшасын ала алмай, басшылардан еш жауап болмаған соң кеңсенің алдына жиналды деген хабар тарады.
Green SM өкілдері жағдайға қатысты ресми пікір білдірді:
«Компания бірнеше жүргізушіден пікір мен өтініш түскенін растады. Ол Қазақстандағы жұмыстың алғашқы кезеңіндегі кепілді табыс бағдарламасына қатысты. Біз жүргізушілердің ойын ашық жеткізгеніне және Green SM Kazakhstan өкілдерімен жеке кездескеніне ризамыз. Бұл жұмысты жақсартуға үлес қосады.
Талқылау қорытындысы бойынша екі негізгі мәселе анықталды:
- Кейбір серіктес нақты жұмыс істеген уақыт пен операциялық белсенділікті есептегенде төлем сәйкес келмегенін анықтады. Қазір төлемді дұрыс есептеу үшін мұндай жағдайлардың әрқайсысын жеке тексеріп, түзетіп жатырмыз.
- Жүргізушілер кепілді табыс бағдарламасындағы есептеу әдістемесіне қатысты сұрақтар қойып, ынталандыру жүйесін жақсарту жөнінде ұсыныс айтты. Компания мұны операциялық деректер мен жүргізушілердің пікірін ескере отырып мұқият қарастырып жатыр.
Green SM Kazakhstan барлық пікірді жүйелеп, серіктес жүргізушілермен байланысын үзбеді. Компания қалыпты режимде жұмыс істеп, коммуникацияны барынша ашық қылуға, операциялық процесті және жүргізушілерді қолдау шарасын жақсартуға күш салып жатыр.
Қазір кепілді табыс бағдарламасына ресми түрде өзгеріс енген жоқ. Әлдене өзгерсе, барлық ақпарат серіктестерге ресми байланыс арналары арқылы дер кезінде жетеді».
Жаңа такси сервисі Қазақстанға биыл 23 маусымда келген. Қазір таксопарк әзірге тек Алматыда істейді.
Комментариев: 0