23 маусымда өткен жаңа такси қызметінің іске қосылу рәсіміне Вьетнамның Қазақстандағы елшісі Нгуен Тхань Ле қатысты. Алғашқы кезеңде Green SM компаниясы Вьетнамда жасалған VinFast VF 6 Eco электромобилін пайдаланып, Алматыда жұмыс істейді.
Базалық нұсқаның негізгі техникалық сипаттамасы:
- Батарея сыйымдылығы: 59.6 кВт⋅сағ
- Электромотор қуаты: 177 а. к. (130 кВт)
- Айналу моменті: 250 Нм
- Жүріс қоры (WLTP): 380–400 км
- Жетек түрі: алдыңғы
- Өлшемдері (Ұ×Е×Б): 4238 × 1820 × 1594 мм
- Дөңгелек базасы: 2730 мм
Green SM электрлі автопаркін дамытумен қатар Green Drivers жүргізушілерін дайындауға инвестиция құйып, операциялық стандарт, қауіпсіздік және клиенттерге қызмет көрсету бағыты бойынша оқытады.
Анықтама ретінде: 2023 жылы құрылған Green SM қазір Вьетнам, Лаос, Индонезия, Филиппин, Үндістан және енді Қазақстанда жасыл мобильділік экожүйесін дамытып жатыр. Компания Алматыға қанша электрокар әкелгенін ресми жарияламады, бірақ жоғарыда аталған елдерде 100 мыңнан астам көлігі бар.
Көгілдір түсті электрокарды Алматы тұрғындары көрді. Жаңа сервисті қолданып көргендер бар ма? Сапар мен баға туралы ойыңызды жаза кетіңіз.
Комментариев: 0