Мегаполис әкімдігі қалада электросамокатқа арналған арнайы тұрақ пайда болғанын хабарлады. Тиісті жол таңбасы қазір Достық пен Абай даңғылы және Гоголь көшесінің бойында сызылды. Жыл аяғына дейін билік әрқайсысына 10 самокат сыятын 500 тұрақ дайындауды жоспарлап отыр.
Мұндай тұрақтар негізінен жалға берілетін техникаға арналған. Шенділер арнайы тұрақ белгіленсе, жалға алушылар электросамокатты жаяу жүргінші мен көліктерге кедергі келтірмейтін орынға қояды деп үміттенеді. Бұл үміт ақтала ма, әлде самокаттар бұрынғыдай жол жиегінде, автотұрақта немесе тротуарда тұра бере ме, оны алдағы уақытта көреміз.
Шара биыл әкімдік пен кикшеринг операторлары қол қойған меморандум аясында жүзеге асып жатыр. Аталған меморандум электросамокатпен жол жүру қауіпсіздігін жақсарту және жол апатын азайту мақсатында жасалған.
Комментариев: 0