Ресей билігі жол ережесіне электросамокат, гироскутер, электроскейтборд секілді техникаларға қатысты норма қосты. Бұлардың бәрін «жеке қозғалыс құралдары» деп атаған.
Билік мұндай көлік мінгендерге тротуармен жүруге рұқсат берді, бірақ бірнеше маңызды талапты орындауға тиіс. Жаяу жүргіншілер жолағымен тек салмағы 35 келіден аспайтын көлік қозғала алады. Оның жылдамдығы 25 шақырыммен шектеледі. Тротуарда жаяу адам басымдыққа ие, сондықтан самокатшы ешкімге кедергі келтірмеу керек. Жаяу жүргінші өткелімен зу етіп өте шығуға да болмайды, самокаттан түсіп, жаяу өтуге тиіс.
Ал жолға тек тежеуіш жүйесі мен алды-артында шамы бар самокатпен шығуға рұқсат. Жеке қозғалыс құралын 14 жастан асқан тұлғалар басқарады. Сонымен қатар жылдамдық 60 шақырыммен шектелген көшенің оң жақ шетімен ғана жүруге болады.
Жол ережесіне электросамокат пен соған ұқсас техниканың жүруіне тыйым салатын орындарды көрсететін арнайы жол белгісін қосады. Оны орнатуға қатысты шешімді жергілікті билік қабылдайды.
Біздің елде де жол ережесіне электросамокат туралы норма қосылатынын айта кеткен жөн. Алайда әзірше жол ережесін өзгертуге негіз болатын мемлекеттік стандарт қана жарияланды.
Комментариев: 0