Мемлекеттік кірістер департаменті былтырғы көлік салығын төлемеген жүргізушілерге ескерту жасады. 2021 жылы 1 сәуірге дейін қазынаға қаржы құйылуы тиіс еді.
2 сәуірде қарыз сомасына өсімпұл қосыла бастады. Енді, 20 жұмыс күні өткен соң борышкерлерге ескерту жіберіледі. Көлік иесіне ескерту келген сәттен 30 жұмыс күні өткеннен кейін қарыз туралы салық бұйрығы жолданады, содан соң іске сот орындаушылары немесе әділет департаменті кіріседі. Борышкердің ісімен кімнің айналысатыны қарыз сомасына байланысты: 1000 АЕК-тен төмен болса сот орындаушылар, одан көп болса әділет департаменті мамандарының қолына өтеді.
Салықшылар мәліметіне сүйенсек, мегаполисте 116 мыңға жуық адам көлік салығын төлемеген. Қарздың жалпы сомасы — 7.6 млрд теңгеден асады.
Салық көлемін Kolesa.kz сайтында есептеп, e-Salyq қосымшасындағы «Салық әмияны» сервисі не екінші деңгейлі банктердің мобильді қосымшалары арқылы төлеуге болады.
Еске салайық, Салық кодексіне сәйкес салықтың ескіру мерзімі үш жыл. Осы аралықта негізгі қарызға өсімпұл қосылады.
Салық төлемеудің салдары қандай болатынын біз мына материалда баяндағанбыз.
Комментариев: 0