Алматыны жаяу аралайтын тәртіп сақшылары биыл жазда электросамокатпен жүйткиді. Бұл жөнінде жергілікті ПД баспасөз қызметі хабарлады.
Заң бойынша электросамокат мопедке теңестіріледі. Яғни бұл көлікті мінгендер тек велосипед жолағымен, арнайы жолақ болмаса жүргін бөліктің оң жағымен жүре алады. Тротуармен қозғалуға болмайды.
Форма киген самокатшылар күн жылығанда көшеге шығады. Алматы қалалық полиция департаментінің басшысы Қанат Таймерденовтің сөзінше, орталық көшелерде көлік көп, сондықтан жол апаты болған жерге жылдам жету үшін мотобатты қайтару ұсынылды.
Анықтама ретінде: Қазақстанда 2019 жылы құрылған туристік полиция қызметкерлері сигвей қолданып жүр.
Комментариев: 0