Жол ережесін өрескел бұзғандарды тіркеу үшін көліктерге EkinPatrol X Spotter Mobile жасырын бейнебақылау кешені орнатылған. Облыстық полиция департаменті хабарлағандай, бұл техника жылдамдық асыру, қарсы жолаққа шығу, белдік тақпау, жалған нөмір тағу және т.б. ереже бұзу фактісін анықтай алады. Бейнематериал жедел әрекет ету орталықтарына автоматты түрде жолданады. Тәртіп сақшылары мұндай тәсіл ереже бұзғандарды объективті түрде анықтауға мүмкіндік береді деді.
Полиция департаменті жасырын патрульдеудегі мақсат жаза емес, қылмыстың алдын алу деді. Облыста апат көбінесе қала сыртында және жол анық көрінбегенде болады. Жаңа бақылау форматы осындай апаттардың санын азайтуға бағытталған.
Қазір жасырын патрульдеу бірқатар өңірде кеңінен қолданылады. Кейбір жерде арнайы құрылғы жедел жәрдем көліктеріне орнатылған. Алғаш рет тоғыз жыл бұрын Астана полицейлері жасырын тексере бастады.
2016 жылы заңгерлер жасырын патрульдеу азаматтарды заңсыз аңду деп мәлімдеген.
Комментариев: 0