Батыс аймақта басталған бейбіт шеру Алматыда жалғасқан еді. Алайда арты жаппай тәртіпсіздікке ұласып, нәтижесінде мегаполисте 23:00-ден 7:00-ге дейін төтенше жағдай режимі жарияланды. Тиісті бұйрыққа түнде Қасым-Жомарт Тоқаев қол қойды.
Бүгінгі күннен яғни, 5 қаңтардан бастап Алматыда:
- Полиция департаменті басшысы Таймерденов жетекшілігімен комендатура құрылды;
- бұқаралық шаралар ұйымдастыруға тыйым салынды;
- көлік қозғалысы шектелді;
- Алматыға кіру және шығуға шектеу қойылды;
- тұрғындардың құжаты, жеке заттары мен көлігі тексеріледі;
- қару мен оқ-дәрі сатуға тыйым салынып, дәрі-дәрмек және алкоголь саудасы қатаң қадағаланады;
- төтенше жағдай кезінде тұрғындарға тиесілі қару мен оқ-дәрілер уақытша алынады.
Осыған ұқсас шектеулер Маңғыстау облысында да күшіне енді.
Коменданттық сағат 19 қаңтарға дейін жалғасады. Тәртіп сақшыларының айтуынша, Алматыға кіретін және қаладан шығатын жерлер жабық. 23:00-ден кейін аса қажет болмаса, көлікпен жүруге тыйым салынады.
Kolesa.kz істің мән-жайын бақылауда ұстайды.
Комментариев: 0