Ташкентте 2010 жылдан ерте шыққан көлік жүрмеуі мүмкін

Gazeta.uz Өзбекстанның экология министрлігі үлкен қалада автомобиль қозғалысын шектеуге аса көңіл бөліп, ауаның ластануына қарсы күрес жоспарын жариялағанын хабарлады.

Ташкентте 2010 жылға дейін шыққан машиналарды жүргізуге тыйым салу батыл қадам болып көрінеді. Сонымен қатар билік кептелісті азайту үшін тәжірибе ретінде тақ және жұп күндері автомобиль жүргізу ережесін енгізбекші.

Электромобильге ауысқан жүргізушілерге мемлекет өтемақы ретінде жеңілдік, артықшылық және субсидия беруді ұсынып отыр.

Атмосфераны ластайтын заттарды азайтуға бағытталған басқа да шараларға Еуро-4 стандартынан төмен экологиялық категориядағы отынды, оның ішінде АИ-80 бензинін пайдалануға тыйым салу және қарбалас уақытта салмағы 3.5 тоннадан асатын жүк көліктерінің қозғалысын шектеу және қоғамдық көлікті электр және газға ауыстыру және т.б. жатады.

Ташкентті де Алматы секілді тау қоршап тұр, сондықтан қаладағы ауа айналымы қиын жағдайда. Өзбекстан астанасында күн сайын 730 мың автомобиль жүреді, оның 160-300 мыңы сырттан кіреді, — деп жазды басылым.