Көлік министрлігіне қарасты Автомобиль жолдары комитеті «Республикалық маңызы бар Үшарал — Достық автомобиль жолын ақылы негізде ортақ пайдалану туралы» бұйрық жобасын әзірледі. Құжатқа сәйкес трассаның 180 шақырымында мына көлік түрлерінен ақша сұралады:
- орын саны 16-дан аспайтын автобус пен жүк көтергіштігі 2.5 тоннаға дейінгі жүк көлігі — 1240 теңге;
- орын саны 32-ден аспайтын автобус пен жүк көтергіштігі 5.5 тоннаға дейінгі жүк көлігі — 2500 теңге;
- орын саны 32-ден артық автобус пен жүк көтергіштігі 10 тоннаға дейінгі жүк көлігі — 3740 теңге;
- 10 тоннадан 15 тоннаға дейін жүк көтеретін жүк көлігі — 5010 теңге;
- тіркемесі барын қоса алғанда, 15 тоннадан артық жүк көтеретін жүк көлігі, ершікті тартқыш — 6250 теңге.
Жеңіл машиналар тегін жүреді. Ал жолға іргелес жатқан елді мекен тұрғындары 3692–18 460 теңге төлеп ай сайынғы, 44 304–221 520 теңгеге жылдық абонемент ала алады.
Комментариев: 0