Былтыр оңтүстік астанада мопед пен самокат қатысқан 617 жол апаты тіркелген. Полицейлердің айтуынша жыл басынан бері қалада 523 апат болған, 535 адам жарақат алып, 11 адам қаза тапты. Полиция департаментінің мәліметінше 8 айда арнайы тұраққа 1.5 мыңнан астам байк қойылды, 19 мың мопед жүргізушісі айыппұл арқалады. Маусымда полицейлер шамамен 400 мопедті айыптұраққа жібергені туралы есеп берген.
Полиция департаменті Алматыда 50 мыңға жуық мопед және электросамокат бар екенін есептеді. Оның жартысына жуығы мопед болса, онда әр жиырмасыншы немесе жиырма бесіншісі айыптұрақта тұр. Бірақ бұл жолдағы жағдайды жақсартты ма? Жоқ. Мопедистер көшеде және тротуарда ойына келгенін істеп, бағдаршам сигналын елемей, алдын көтеріп айдайды, шу деңгейі жоғары газ шығару жүйесін орнатады.
Мопедті тіркеуге және оны жүргізу үшін куәлік алуға міндеттейтін заңға түзету қашан енетінін күту ғана қалды. Қазір құжатты сенат қарап жатыр және күзде президентке жолданады деген үміттеміз. Заң күшіне ену үшін тағы жарты жыл қажет болады. Осылайша 2025 жылдың көктеміне дейін жолда тәртіп орнамайтын сияқты.
Комментариев: 0