Армениядан келген көліктерді уақытша тіркеуге қатысты мәселе тамызда туындаған еді. «Азаматтарға арналған үкімет» базасына мамандар қателесіп, уақытша есепке қойылатын машина үшін утилизациялық алым төлеу талабын енгізіпті. Алайда армениялық көлік иелері бұл міндеттен босатылғандықтан, ХҚКО қызметкерлері құжат қабылдай алмай, қызмет уақытша тоқтатылды.
Kolesa.kz редакциясына мемлекеттік корпорацияның баспасөз қызметі бағдарламадағы ақау жойылғанын және армениялық көліктер әдеттегі режимде тіркеліп жатқанын хабарлады.
Армениядан жеткізілген машиналарды біздің елде уақытша есепке қоюға 2022 жылдың 1 наурызына дейін уақыт берілді. Мұндай көлікті тіркеу үшін қандай құжат өткізіп, қанша ақша жұмсау керек екенін мына мақаладан білуге болады.
Комментариев: 0