6 сәуірде «Соколда» дрифтшілер жарысады

Биыл Алматы — Астана тас жолының 76-шақырымындағы Sokol спорттық-техникалық кешенінде алғаш болып Gorilla Drift Street Legal кіші сериясының пилоттары өнер көрсетеді. Бұл сайыс жаңа бастағандарға арналған, ол арнайы көліксіз оңай трассада жұп болып дрифт жасауға мүмкіндік береді.

Негізгі жарыс күні — 6 сәуір, бірақ шабандоздар 5 сәуірде трассада жаттығу жасап, іріктеуден өтеді. Басталу уақыты — 13:00.

Gorilla Drift Street Legal-ға кіру ақылы. Сенбі күні барлық аймақ үшін билет құны — 2500 теңге, жексенбіде баға өзгереді:

• «Стандарт» — 2500 теңге, трибуналарға кіре алмайсыз;
• «Трибуна» — 4000 теңге;
• Gold барлық аймаққа, соның ішінде техникалық паркке кіруге мүмкіндік береді, бағасы — 8000 теңге.

7 жасқа толмаған балаларға (трибунадан орын берілмейді) — тегін.

Билетті sxodim.com сайты арқылы немесе Sokol кешенінің кассасынан алуға болады.

Сәуірде болатын автоспортқа қатысты басқа да іс-шаралар туралы толық ақпаратты мына сілтеме арқылы біле аласыз.