Биыл сәуірде өтетін жарыстар күнтізбесі

Жаңа маусымның алғашқы шаралары наурызда басталды, бірақ тұрақты жарыс уик-эндтерінің ашылуы сәуірде өтеді. Негізгі автомобиль және мотоцикл жарыстарының күнтізбесін дайындадық.

Gorilla Drift Street Legal, 5–6 сәуір

Сәуірдің алғашқы сенбісінде Алматы маңындағы Sokol спорттық-техникалық кешенінде Gorilla Drift Street Legal кіші сериясының кезеңі басталады. Бұл дрифт әлеміне жаңадан келгендерге арналған шара, ол жарыстарға толыққанды қатысу мүмкіндігін ұсынады. Жарыс барысында дайындық деңгейі төмен автомобиль мен конфигурациясы қарапайым трассалар қолданылады.

5 сәуірде жаттығу сессиялары мен іріктеу кезеңі өтеді, ал жексенбі күні көрермендер жұп болып дрифт жасайтындардың өнерін тамашалайды. Басталу уақыты — 13:00.

Gorilla Drift Street Legal-ға кіру ақылы. Сенбі күні барлық аймақ үшін билет құны — 2500 теңге, жексенбіде баға өзгереді:

«Стандарт» — 2500 тг, трибуналарға кіре алмайсыз;
«Трибуна» — 4000 тг;
Gold барлық аймаққа, соның ішінде техникалық паркке кіруге мүмкіндік береді, бағасы — 8000 тг.

7 жасқа толмаған балаларға (трибунадан орын берілмейді) — тегін.

Билетті sxodim.com сайты арқылы немесе жарыс күні Sokol кешенінің кассасынан сатып алуға болады.

Sokol Time Attack, 13 сәуір

Сәуірдің екінші жексенбісінде қатысушылар Sokol кешеніндегі үлкен айналма жолды жылдам өту бойынша бақ сынайды. Биыл спортшылар алғаш рет Sokol Time Attack ресми жарыстары аясында кешеннің негізгі трегіне шығады.

Толық кестесі жарыс күні жақындағанда жарияланады.

Мотокростан Алматы облысы кубогы, 13 сәуір

Облыстық мотокросс кубогының екінші кезеңі 13 сәуірде Құлжа тас жолы бойындағы Қайрат ықшамауданындағы тректе өтеді. Жарыс сегіз түрлі кластан тұрады. Оған 50 текше см балалар мотоциклдерінен бастап, 500 текше см-ге дейінгі барлық кросс техника қатыса алады. Қыздарға және қытайлық кросс-мотоцикл иелеріне арналған бөлек категория да бар. Жарыстар 11:00-де басталады. Көрермендер тегін кіреді.

Қайрат шағынауданындағы трассаның схемасы

Дрифтен Қазақстан Республикасы чемпионаты, 18–20 сәуір

Биыл дрифт чемпионатына екі түрлі серияның нәтижелері кіреді. Кәсіби дрифт маусымы Pro Drift атауымен басталады — бұл бұрынғы Gorilla Drift Championship-тің жаңа атауы. Бірінші кезең алғаш рет Sokol кешенінің негізгі айналма жолында 18–20 сәуірге жоспарланған. Жарыс форматы туралы толық ақпарат кейін шығады. Дегенмен 18 сәуір — ресми жаттығу, 19 сәуір — іріктеу кезеңі, 20 сәуір жұптық жарыстан тұруы мүмкін.

Қазақстан дрифт чемпионатының екінші кезеңі — мамырдың басында ASP Arena аумағында болатын CADS сайысы. Үшінші және төртінші кезең шілде мен тамыз айларына жоспарланған, қазан айының ортасында Sokol кешеніндегі Pro Drift аясында маусым жабылады.

Мотокросс бойынша Қазақстан Республикасы чемпионаты, 20 сәуір

Мотокростың бірінші кезеңі 20 сәуірде «Лысая гора» трассасында, Қарғалы (бұрынғы Фабричный) ауылында өтеді. Спортшылар мына кластарға сәйкес өнер көрсетеді:

65 текше. см — 6–12 жас аралығындағы балалар бақ сынайды;
85 текше. см — 10–15 жас аралығындағы балалар;
125 текше. см — 14 жастағы және одан үлкен мотоциклшілер;
Open — 16–35 жас, 500 текше см-ге дейінгі мотоцикл;
Open 2 A — 35–45 жас, кез келген модельдегі мотоцикл;
Open 2 B — 46 жастағы және одан үлкендер, кез келген модельдегі мотоцикл;
Қытайда шыққан мотоциклдер — аспан асты елінде шыққан кез келген мотоцикл;
«Қыздар» — 14 жастағы және одан үлкендер, мотоцикл түрі маңызды емес;

«Эндуро-әуесқойлар» — 16 жастан жоғары, мотоцикл түріне шектеу жоқ.

Ресми сайыс 11:00-де басталады, бірақ көрермендер тегін кіріп, 10:00-ден бастап жаттығу жарыстарын тамашалай алады.

Қарғалы ауылындағы трассаның схемасы

Драг-рейсингтен Қазақстан Республикасы турнирі, 25–27 сәуір

Drag Wars сериясы биылғы маусымын 25-27 сәуірде бастайды. Sokol-дағы жарыс форматы әлі белгісіз, бірақ ұйымдастырушылар бензинді драгстерлер мен жылдам электрмобильдер арасында қызық дуэль болады деп уәде берді.

Халықаралық кластағы картингтен Қазақстан Республикасы чемпионаты, 25–27 сәуір

Drag Wars-тың бірінші кезеңімен бірге картинг те басталады. Алғашында чемпионат 18-20 сәуірге жоспарланған еді, бірақ басқа күнге ауысты. Жарыс форматы мен кестесі туралы толық ақпарат жарысқа бірнеше күн қалғанда жарияланады.