Бавариялық «бестіктің» сегізінші буыны рестайлингтен өтеді. Артқы бөлігі айтарлықтай өзгермесе де, алдыңғы жағы басқаша болатынын тыңшылар түсірген суреттерден көруге болады.
Жаңа өнімнің алды Vision Neue Klasse концептісіне ұқсас дизайн алады, бірақ жіңішке радиатор торы, дөңес бампер және ауа тартқышымен ерекшеленеді.
Жаңа мультимедиа X операциялық жүйесімен және Panoramic iDrive экранымен жабдықталады. Бұл дисплей бірнеше бөлікке бөлінеді және бөлек бапталады.
Мотор гаммасы өзгермейді. Carscoops хабарлағандай, 2 литрлік төрт цилиндрлі TwinPower Turbo қозғалтқышы бұрынғыдай 255 ат күшін (400 Нм) береді. 3 литрлік турбомотордың қуаты 393 ат күшіне (580 Нм) артуы мүмкін.
Жаңарған 5-сериялы көліктің дебюті 2026 жылдың ортасында өтеді. Бұған дейін Neue Klasse стиліндегі BMW M5 прототипі тыңшылардың көзіне түскен. Бұл модель рестайлингтен ертерек өтеді деген мәлімет бар, тағы бір болжамға сүйенсек, CS нұсқасы жаңа дизайн алады.
Комментариев: 0