Қаржы нарығын реттеу және дамыту агенттігі 2025 жылғы міндетті сақтандыру бойынша сыйлықақыны есептеу үшін қолданылатын түзету коэффициентін бекіту туралы қаулы жобасын дайындады.
Жоба авторларының ұсынысы мынадай:
| Облыс, қала | 2024 жылғы түзету коэффициентінің мөлшері | 2025 жылғы түзету коэффициентінің мөлшері |
| Алматы облысы | 1.06 | 1.2 |
| Жетісу облысы | 1.06 | 1.01 |
| Түркістан облысы | 1.08 | 1.36 |
| Шығыс Қазақстан облысы | 0.82 | 1.36 |
| Абай облысы | 0.82 | 0.69 |
| Қостанай облысы | 0.95 | 0.94 |
| Қарағанды облысы | 1 | 0.98 |
| Ұлытау облысы | 1 | 0.84 |
| Солтүстік Қазақстан облысы | 0.8 | 0.6 |
| Ақмола облысы | 0.92 | 0.9 |
| Павлодар облысы | 0.88 | 0.72 |
| Жамбыл облысы | 1.16 | 1.41 |
| Ақтөбе облысы | 0.88 | 0.86 |
| Батыс Қазақстан облысы | 0.96 | 0.99 |
| Қызылорда облысы | 1.11 | 1.43 |
| Атырау облысы | 0.71 | 0.44 |
| Маңғыстау облысы | 0.88 | 0.71 |
| Алматы | 0.82 | 0.63 |
| Астана | 1.05 | 1.17 |
| Шымкент | 1.09 | 1.29 |
Бұл теңгемен есептегенде қанша болады
Мысал ретінде 2024 жылы жүргізуші куәлігін алғанына 20 жыл болған, Алматыда тұратын, ешқашан жол апатына түспеген, 2010 жылғы Toyota Camry автокөлігін жүргізетін 40 жастағы жүргізуші үшін 12 айлық полис қанша тұратынын қарастырайық:
- 2024 жылғы базалық сақтандыру сыйлықақысы — 7 014.8 теңге (1.9 АЕК);
- Алматы қаласында тіркелген автомобиль коэффициенті — 2.96;
- жеңіл автомобиль коэффициенті — 2.09;
- жасына және жүргізу өтіліне негізделген коэффициент — 1;
- автомобильді пайдалану мерзіміне байланысты коэффициент — 1.1;
- 13-сақтандыру класы бойынша коэффициент (апатсыз) — 0.5;
- Алматы қаласы бойынша түзету коэффициенті — 0.82.
Нәтиже: 7 014.8 × 2.96 × 2.09 × 1×1.1 × 0.5 × 0.82 = 19 571.75 теңге.
2025 жылы айлық есептік көрсеткіш (АЕК) 3 932 теңге болады. Базалық сақтандыру сыйлықақысы (1.9 АЕК) 7 470.8 теңгеге өседі. Алматы қаласы бойынша ұсынылған түзету коэффициенті — 0.63.
Есептейік: 7 470.8 × 2.96 × 2.09 × 1 × 1.1 × 0.5 × 0.63 = 16014.31 теңге. Демек, 2025 жылы мұнда полис арзандайды. Мысал ретінде алған жүргізуші үшін сақтандыру 3 мың теңгеге арзандайды, ал басқалар үшін сома әртүрлі болады, бірақ сақтандыру төлемі азаяды.
Алматы, Түркістан, Жамбыл, Батыс Қазақстан, Қызылорда облыстарының, сондай-ақ Шымкент пен Астанадағы жүргізушілер үшін сақтандыру полисі қымбаттайды. Келер жылы ең қымбат полисті Қызылорда облысының жүргізушілері рәсімдейді. Биыл Жамбыл облысының тұрғындары қымбат полис сатып алған.
Бұрын агенттік түзету коэффициенті көлік тіркелген аймақтағы апат деңгейіне қарай белгіленетінін хабарлаған. Яғни, егер Алматыда сақтандыру үшін жүргізушілерден көп ақша жиналғанмен, көлік санына шаққанда сақтандыру бойынша төлем аз жасалса, көлік иесі азырақ төлеуі керек.
Биыл 1 қаңтардан бастап жеңіл жол апатын еуропротокол бойынша рәсімдеуге болатынын еске саламыз. Сақтандыру класы да өзгерді.
Комментариев: 0