Алматы, Шығыс Қазақстан, Солтүстік Қазақстан, Батыс Қазақстан, Абай, Ақмола, Қостанай, Павлодар, Ақтөбе, Атырау және Маңғыстау облысындағы көлік иелері міндетті сақтандыру сомасын аз төлейді. Басқа облыс тұрғындары үшін сақтандыру ақысы керісінше жоғарылайды. Жамбылдық жүргізушілер полис үшін ең көп шығындалады.
Қаржы нарығын реттеу және дамыту агенттігінің жаңа қаулысы* 2024 жылғы 1 қаңтардан бастап күшіне енеді. Құжат көлік иесі төлейтін сақтандыру сыйақысын есептеген кезде қолданылатын жаңа коэффициентті анықтайды.
| № п/п | Облыс, республикалық маңызы бар қала және астана атауы | Автомобиль тiркелген өңір бойынша түзету коэффициенті |
| 1 | Алматы облысы (Жетісу облысы) | 1.06 |
| 2 | Түркістан облысы | 1.08 |
| 3 | 0.82 | |
| 4 | Қостанай облысы | 0.95 |
| 5 | Қарағанды облысы (Ұлытау облысы) | 1 |
| 6 | Солтүстік Қазақстан облысы | 0.8 |
| 7 | Ақмола облысы | 0.92 |
| 8 | Павлодар облысы | 0.88 |
| 9 | Жамбыл облысы | 1.16 |
| 10 | Ақтөбе облысы | 0.88 |
| 11 | 0.96 | |
| 12 | Қызылорда облысы | 1.11 |
| 13 | Атырау облысы | 0.71 |
| 14 | Маңғыстау облысы | 0.88 |
| 15 | Алматы | 0.82 |
| 16 | Астана | 1.05 |
| 17 | Шымкент | 1.09 |
Бұл қанша ақша болады
Мысал ретінде 2010 жылы шыққан Toyota Camry көлігін тізгіндеген, 20 жыл жүргізу өтілі бар, Алматы қаласында тұратын, ешқашан жол апатына ұшырамаған 40 жастағы жүргізуші 2024 жылы 12 айға полис үшін қанша төлейтінін есептеп көрейік:
- 2024 жылғы базалық сақтандыру сыйлықақысы — 7 014.8 теңге (1.9 АЕК);
- Алматы қаласында тіркелген автомобиль үшін коэффициент — 2.96;
- жеңіл автомобиль үшін коэффициент — 2.09;
- жасына және жүргізу өтіліне негізделген коэффициент — 1;
- автомобильді пайдалану мерзіміне байланысты коэффициент — 1.1;
- 13-сақтандыру класы бойынша коэффициент (апатсыз) — 0.5;
- Алматы қаласы бойынша түзету коэффициенті — 0.82.
Сонда: 7 014.8 × 2.96 × 2.09 × 1×1.1 × 0.5 × 0.82 = 19 571.75 теңге (жаңа коэффициентті енгізбесе 23 867.99 теңге болар еді).
Жаңа коэффициент қайдан шықты?
Қаржы нарығын реттеу және дамыту агенттігі хабарлағандай, көлік құралы тіркелген аймақтағы апат коэффициенті белгіленді. Мысалы, Алматыда жүргізушілерден полис үшін көп қаржы жиналып, сақтандыру төлемін алған оқыс оқиғалар аз болса, көлік иелері төлейтін сома азырақ болады.
1 қаңтардан бастап Қазақстанда жаңа сақтандыру класы іске қосылады, нәтижесінде жиі апатқа ұшырайтын жүргізуші үшін полис айтарлықтай қымбаттайды.
Сондай-ақ жүргізушілер кішігірім жол апатын еуропротокол бойынша рәсімдей алады.
*Қаржы нарығын реттеу және дамыту агенттігінің «көлік иелерінің азаматтық-құқықтық жауапкершілігін міндетті сақтандыру туралы» заңға өзгеріс енгізу жөніндегі қаулысы.
Комментариев: 0