Focus2Move агенттігі пикап сатылымына қатысты статистика жасады. 2020 жылы бұл нарықта өзгеріс байқалмады. Халық өте жақсы көретін пикап атағы әдеттегідей Ford F-Series еншісінде. Өткен жылы 936 084-і саудаланса, соның 98 %-ын АҚШ пен Канада тұрғындары алыпты. Демек Америкада бұл модель Honda CR-V (736 980) мен Toyota Camry-ден (609 303) жақсы сатылады.
Екінші орынды иеленген Chevrolet Silverado (643 848) былтыр Ram пикаптарын (631 445) шаң қаптырды.
Жоғарыда аталған модельдер Қазақстанда сирек кездессе, төртінші орындағы Toyota Hilux (457 876) бізге жақсы таныс. Әлемнің 140 елінде сатылатын модельдің Африка, Оңтүстік Америка және Орталық Шығыста сұранысы жоғары. Бесінші орынға Ford Ranger (325 410) тұрақтады.
2020 жылғы ең танымал 10 пикап
| Орын | Модель | 2020 жылғы сатылым (дана) |
| 1 | Ford F-Series | 936 084 |
| 2 | Chevrolet Silverado | 643 848 |
| 3 | Ram | 631 445 |
| 4 | Toyota Hilux | 457 876 |
| 5 | Ford Ranger | 325 410 |
| 6 | GMC Sierra | 312 592 |
| 7 | Toyota Tacoma | 267 287 |
| 8 | Isuzu D-Max | 238 639 |
| 9 | Great Wall Wingle 5 | 129 209 |
| 10 | Toyota Tundra | 123 376 |
Біздің елде де пикап сатылады, бірақ олардың сұранысы аса жоғары емес. Бұл сегментте Toyota Hilux танымал. 2020 жылы марка дилерлері 753 машина өткізді. Ал екінші орында Қостанайда құрастырылған JAC T6 (237) тұр. 72 данасы иесін тапқан UAZ Pickup үшінші орынға жайғасты. Төртінші орынды Mitsubishi L200 (59 дана) иеленсе, бестікті Volkswagen Amarok (24 дана) түйіндеді.
Комментариев: 0