Әр аймақтағы бас санитар дәрігерлер бекіткен қаулылар бүгін, яғни 19 маусым күні жарияланды. Аудандық билік 20 және 21 маусым күндері туристік нысандар мен ұлттық саябақтарға кіретін жолдарды жабуы тиіс, ал ондағы тұрғындар әлеуметтік арақашықтық сақтауы қажет.
Алматыда Медеу, Көктөбе, Шымбұлақ пен Сайран және Есентай жағалауы келушілер үшін жабық болады. Алдағы демалыс күндері Алматы облысының Қарасай, Іле, Талғар және Еңбекшіқазақ аудандарындағы көлдер мен шатқалдарға да баруға мүмкіндік жоқ.
Еш құжатта олардың нақты тізімі жазылмаған, бірақ аталған шектеулердің елдегі барлық демалыс орындарына қатысты екені анық. Тіпті шағын аквапарктерге алдағы демалыс күндері жабылу жөнінде нұсқама беріледі. Ал жағажайлар мен өзен жағаларын тәртіп сақшылары күзетеді.
Шектеу шараларын енгізу жөніндегі шешім ведомствоаралық комиссия отырысында қабылданды, онда елдегі коронавирус індетімен байланысты ахуалдың нашарлағаны айтылды.
Қала сыртындағы саяжайларға баруға тыйым салынбайды.
Комментариев: 0