15 наурызда өткен онлайн-брифингте Жандарбек Бекшин қала қызыл аймақтан шыққанша демалыс және мереке күндері қоғамдық көлік қозғалысы шектелетінін мәлімдеді. Демек, Наурыз мейрамында да автобус жүрмеуі мүмкін.
— Автобуста адам көп болады. Қоғамдық көлік — инфекция көздерінің бірі. Науқастардың 17,5 %-ы вирусты қоғамдық көлікте жұқтырғанын айтады. Індеттің алдын алып, таралу деңгейін төмендету үшін осындай шешім қабылданып отыр, — деді Бекшин.
Бірақ бұған әлеуметтік желіде наразылық білдіргендер көп. Тұрғындар қоғамдық көлік қозғалысын шектеуге қарсы екенін айтады. Алматы тұрғыны Аида Букаева Денсаулық сақтау министрі Алексей Цой мен Жандарбек Бекшинге Facebook арқылы үндеу жасады. Ол бұл шешімді сынға алумен қатар, жүргізушілерді демалыс күндері аялдамада тұрған адамдарды тегін тасуға шақырды.
Комментариев: 0