Ведомствоаралық комиссия карантиндік шектеулерді күшейту туралы шешім шығарды. Елдегі эпидемиологиялық ахуалдың нашарлауына байланысты «қызыл аймақта» орналасқан өңірлер:
— Нұр-Сұлтан,
— Алматы,
— Шымкент,
— Ақмола облысы,
— Ақтөбе облысы,
— Атырау облысы,
— БҚО,
— Қарағанды облысы,
— Қостанай облысы,
— Маңғыстау облысы,
— Павлодар облысында
Ashyq жобасына қатысатын нысандарды қоспағанда, қалааралық, қалалық тұрақты және туристік автобус, микроавтобус тасымалын тоқтату жоспарланып отыр.
Сонымен қатар «қызыл аймақта» демалыс және мереке күндері мына қызметтерге тыйым салынады:
- қоғамдық көлік қызметі;
- Ashyq жобасына қатысатындарын қоспағанда, аумағы 2000 м² дейінгі азық-түлікке жатпайтын тауар сататын нысандар (автосалондар мен қосалқы бөлшек дүкендері);
- Ashyq жобасына қатысатындарын қоспағанда, ашық базарлар (көлік және қосалқы бөлшек базары), жәрмеңкелер және т.б.
Жұмыс күндері Ashyq жобасына қатысатын ойын-сауық орталықтары, сауда орталықтары тек 18:00-ге дейін жұмыс істей алады.
Демалыс және мереке күндері «қызыл аймақтағы» өңірлерде елдің бас санитар дәрігері мен аймақтық қаулыларға сай тиісті шектеулер енгізіледі.
Комментариев: 0