1 млн км жүрген Land Cruiser 200

Аустралияның Виктория штатында астық пен мал сатумен айналысатын Гэри Дрисколл ақ түсті Toyota Land Cruiser 200 Series Sahara-ны 2010 жылдың сәуірінде жаңа күйінде сатып алған. Он бес жыл ішінде ол ауылдық жолдар мен тасжолдарда күніне орта есеппен 180 шақырымнан астам жол жүрген, сондықтан автомобильдің жүрісі 1 млн шақырымға жуықтаған.

1 / 5

• 
• 
• 
• 
• 

1 / 5

Дәлірек айтсақ миллион шақырымға 300 метрдей жетпейді. Дрисколл осы межеге жеткізу құрметін жол талғамайтын көліктің жаңа иесіне тапсырмақшы, себебі автомобиль аукционға қатысады.

Суреттен машина өте жақсы сақталғанын көруге болады. Лот сипаттамасында Land Cruiser-де зауыттан шыққан 4.5 литрлік турбодизель, 6 сатылы автомат қорабы және тұрақты толық жетек жүйесі тұр деп жазылған. Иесі тек стартерін ауыстырыпты. Сервистік кітапшада көлік жүзге жуық техникалық қызмет алған деп көрсетілген. Яғни әр 10 мың шақырым сайын тексерістен өткен.

1 / 7

• 
• 
• 
• 
• 
• 
• 

1 / 7

Бұл — зауыттық агрегаттары сақталған күйде 999 999 шақырым жүрген Аустралиядағы алғашқы Land Cruiser 200. Сондықтан иесі 30 мың Аустралия долларын (10 млн теңге) сұрап отыр. Онлайн-аукционның нәтижесі 17 тамызда жарияланады.