Jeep Grand Cherokee (ZJ) моделінің алғашқы буыны Ларри Шинода есімді дизайнердің қаламынан туған. 1992-1998 жылдары шығарылған машина көптің көңілінен шығып, бірнеше марапатқа ие болды. Ал біздің назарымызға іліккен жол талғамайтын көлік 1996 жылы жарық көрген, бірақ дилерлік орталықтан кеше ғанай шыққандай көрінеді.
Иесі машинаның тек қақпағы мен бампері боялғанын айтады. Көліктің жүріс бөлігі мен интерьері жаңартылған, қорабы мен моторының да жағдайы жақсы.
Grand Cherokee қақпағының астына 4 литрлік алтылық орнатылған. AMC 242 индексіндегі агрегат 185 ат күші мен 305 Нм момент береді және 4 сатылы автоматпен жұмыс істейді.
Jeep-тің бағасы 6.5 млн теңге. Аналитика деректеріне сүйенсек, 1996 жылғы бұл көліктің құны орташа бағадан 182 %-ға жоғары. Kolesa.kz порталынан бірінші буындағы 30-дан аса Grand Cherokee табуға болады. Бағалары 500 мыңнан 3 млн теңгеге дейінгі аралықта.
Комментариев: 0