Алматы билігі Наурызбай батыр көшесінің Райымбек даңғылынан Абай даңғылына дейінгі бөлігіндегі автобус жолағынан бас тартты. Бұл жолақпен жүретін қоғамдық көлік Желтоқсан көшесіне ауысады, ал босаған жол бөлігінде веложолақ пайда болады.
Қалалық жол қозғалысын ұйымдастыру және жолаушылар көлігі басқармасы хабарлағандай, бұл өзгеріс 1 тамыздан бастап күшіне енеді. Мамандар Наурызбай батыр көшесіндегі жол таңбасын өшіру жұмысын бастап кетті.
Бұл шешім велосипедшілердің қауіпсіздігін жақсартып, қаланың велоинфрақұрылымын дамыту мақсатында қабылданып отыр. Жүргізушілер бағытын жаңа қозғалыс схемасына сай жоспарлап, Жол ережесін сақтағаны жөн.
Комментариев: 0