«Дөңгелекті көлік құралдарының қауіпсіздігі туралы» Техникалық регламентке сай 1 желтоқсаннан 28 ақпанға дейін жазғы шинамен жүруге тыйым салынады. Ал жол ережесінде осы техрегламент талабына сәйкес келмейтін автомобильмен жолға шығуға болмайды деп жазылған.
Қыс аяқталғанша машина бүртабан дөңгелек немесе үш шыңы бар тау белгісі, сондай-ақ «М+S», «M&S», «M S» (Mud and Snow — «балшық пен қар») белгісі бар шинамен жүруі керек. Қысқы шинаны бір оське ғана емес, төрт дөңгелектің бәріне орнату қажет. Ереже бойынша бір оське типі, өлшемі және протекторы әртүрлі шина орнатуға рұқсат жоқ. Қысқы шина протекторының қалыңдығы кем дегенде 4 мм болуға тиіс, одан төмен болса, талапқа сай келмейді.
Қыста жазғы резинамен жүрген жүргізуші 5 АЕК айыппұл төлейді. Айыппұл сомасы биыл жыл аяғына дейін — 19 660 теңге, 2026 жылдан бастап — 21 625 теңге.
Комментариев: 0