1 сәуірден бастап 200 еуродан арзан бөлшекке баж салығы салынбайды

ЕЭО елдерінің азаматтары 2019 жылдың аяғына дейін құны 200 еуродан аспайтын тауарды, соның ішінде автобөлшекті баж салығын төлемей әкеле алатын. Ал 2020 жылдың 1 қаңтарынан бастап баға шегі уақытша 1000 еуроға өсті. ЕЭК кеңесі шетелдің интернет-дүкендерінен жеке пайдалануға арналған заттарға тапсырыс беретіндерді қолдау үшін жеңілдік мерзімін бірнеше рет ұзартты.

Қаржы министрлігінің Мемлекеттік кірістер комитеті Kolesa.kz редакциясына мерзімді ұзарту туралы соңғы шешім 2024 жылдың 1 сәуіріне дейін күшінде болатынын айтты. Ал кеденшілер ЕЭК кеңесінен ары қарай ұзарту туралы ешқандай хабарлама алмаған.

Бірнеше күннен кейін баж салығын төлемей әкелу шегі бұрынғыдай болады. Енді ЕЭО-ға тасымалдаушы немесе пошта арқылы жеткізгенде бағасы 200 еуродан, салмағы 31 келіден аспайтын немесе барлық көлік түрімен (әуе және жаяу тасымалды қоспағанда) әкелінетін, құны 500 еуродан төмен тауарды ғана кедендік баж салығын төлемей әкелуге болады.