Mazda MX-5-ке негізделген британиялық родстер

1950–1960 жылдары шыққан Austin-Healey-дің екі есікті көліктері халықтың көңілінен шықты, себебі олардың құрылымы қарапайым, бағасы қалта көтерерлік еді. Марканың имиджіне Ле-Ман, Себринг және Батхёрст трассаларындағы жетістік те оң әсер етті.

Austin-Healey жабылып қалса да, жанкүйерлері қалды, ең табандылары фирманы қайта жаңғыртуға бірнеше рет талпынды. 2010 жылдардың басында Ұлыбританиядағы Норфолкте Healy Designs Ltd компаниясы ашылды. Олар бренд құқығын сатып алмау үшін атауын Healy деп қойды.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Healy-дің Enigma (Жұмбақ) деп аталатын жалғыз моделі Austin-Healey 3000-ға ұқсайды. Мамандар донор етіп 2.0 литрлік атмосфералық моторы (158 а.к.; 188 Нм) бар оң рөлді Mazda MX-5-тің (NC) салоны мен ашылатын шатырын алды. Қуатты түрленімді қалайтындар үшін Lexus LS400-дің 300 ат күшіне ие 4 литрлік V8 қозғалтқышын орнатты.

Тапсырыс бойынша жасалатын санаулы жобаларда инженерлер басқа машиналардың компонентін жиі қолданды. Мысалы, фараны Mini Cooper S R53-тен алған, артқы шамдары Nissan Micra K12-нікі. Healy Enigma-ның шыны талшықтан жасалған шанағы Латвияда жасалып, Ұлыбританияда жиналатын.

Бренд Enigma-ны дайын көлік және жинақ ретінде сатқандықтан бағасы әртүрлі болды. 2 литрлік базалық нұсқа 32 мың фунт тұрса, Lexus қозғалтқышын алған автомобильдің құны 37 мыңға жетті. Кит-кардың (MX-5-ті қосқанда) бағасы — 25 мың фунт.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Healy Designs Ltd 2021 жылы жабылып қалғандықтан нақты қанша реплика шыққаны белгісіз. Түпнұсқа Austin-Healey 3000-ның 43 мыңнан астамы жарық көрген.

Кейде «құпия» машиналар аукционға қатысады. Жақында 14.746 миль жүрген 2016 жылғы экземпляр саудаға түсті, оның төрт иесі болыпты және 1972 жылдан бері шығып жатқан «Эммердейл фермасы» деген сериалға түскен.