2018 жылдың 29 маусымында Қазақстанда көлікті интернет арқылы есепке қоюға, есептен шығаруға мүмкіндік беретін қызмет түрі іске қосылды. Жаңа мемлекеттік қызмет тізімде бар нөмірлер ішінен ұнаған мемлекеттік нөмірлерді (қарапайым нөмірлерді де, VIP нөмірлерді де) таңдап, сонымен қатар МТНБ мен техникалық құжатты үйге жеткізуге тапсырыс беруге мүмкіндік жасайды. тамаша емес пе? Тек бір шарт бар: сатушы мен сатып алушының электронды цифрлы қолтаңбасы (ЭЦҚ) болуы қажет. енді мұның қадамды түрде қалай жүзеге асатынын көрсетеміз.
Сатушы
1. Автокөлік сатушысына egov.kz сайтына кіріп, авторландырылып, «Көлік және коммуникациялар» бөліміне, әрі қарай «Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу» бөліміне өту керек. Онда «Қызметке онлайн тапсырыс беру» батырмасын басасыз. Ашылған терезеде сатушының атына тіркелген автокөліктер тізімінен тиісті автокөлікті таңдайсыз.
2. Экранда таңдалған автокөлік туралы мәлімет шығады.
3. «Әрі қарай» батырмасын басқан кезде серверге айыппұлдардың, салықтар мен техникалық байқау бойынша қарыздардың бар-жоғы жөнінде сұраным жіберіледі. Өңдеу 3-5 минут уақытты алады. Күтеміз.
Ашылған беттегі сілтемелер электронды үкімет порталында салықты есептеу және т.б. төлеуге мүмкіндік беретін тиісті онлайн-төлемдер жасау қызметтеріне алып келеді. Дәл осы жерде сатушыға сатылатын көліктің бағасын және сатып алушының ЖСН-ін көрсету қажет.
Шілде айының соңынан ескі мемлекеттік нөмірді сақтау функциясы жұмыс жасай бастайды. Егер сатушы ескі мемлекеттік нөмірді басқа көлік үшін алып қоюды қаласа, ол үшін «Бұрынғы нөмірді қалдыру» батырмасын басу жеткілікті. Ал қазіргі сәтте мұны қалағандарға нөмірлерді кәдімгі тәртіпте мамандандырылған ҚКО-да сақтауға өткізуге ғана мүмкіндік бар.
4. Әрі қарай сатушыға сұранымды өз ЭЦҚ-мен таңбалау керек.
5. Сұраным өңдеуге жіберілді. Жарты сағаттан аспайтын уақыт күту қажет. «Статус» қосымша бетіндесатушының өз сұранымының жай-күйін тексеруге мүмкіндігі бар.
Сатып алушы
1. Сатып алушы сұраныммен электронды үкімет порталындағы өз жеке кабинетінде сұраныммен таныса алады. Бұл үшін ЭЦҚ арқылы авторландырылу қажет.
2. Сұраным статусын тексеру.
3. Мәміле жасасуға келісім расталғаннан кейін сатып алушы, сатушыны тексергендей, мемлекет алдындағы қарыздарының бар-жоқтығын тексеретін бетке өтеді.
4. Әрі қарай «Беруші органды» (бұл сатып алушының аймағындағы оның автокөлігі тіркелетін мекеме) таңдағаннан кейін, мемлекеттік нөмірлердің типін таңдау қажет (1А — нөмірлердің екеуі де тікбұрышты пішінді, 2А — тікбұрышты және шаршы пішінді), өз телефон нөмірінің өзектілігін тексеру керек.
«Жоғары сұранысқа ие МТНБ-ін» таңдау барысында ҚР ІІМ-нің ақпараттық жүйесіне әдемі мемлекеттік нөмірлерді алу жөнінде сұраным жіберіледі. Автоматты түрде таңбасы болмаған жағдайда — қарапайым нөмірлер тізімін алуға сұраным жіберіледі.
5. «КҚТК мен МТНБ-ін мекенжай бойынша жеткізу қажет» қызметін таңдау барысында мекенжайды көрсетуге арналған қосымша терезелер ашылады. Курьер қызметі бөлек төленеді — 1400 теңге. Әзірше тек жеткізген сәтте қолма қол төленеді. банк картасы арқылы төлеу кейінірек іске қосылады.
6. Ізінше сатып алушыға қолжетімді (қарапайым не жоғары сұранысқа ие) нөмірлер тізімінен мемлекеттік нөмірлерді таңдау қажет.
7. Нөмірлерді таңдағаннан кейін сатып алушыға өз өтінішінің үлгісімен танысып, төлем жасау және көлік құралын тіркеу туралы электронды өтінішке қол қоймас бұрын, барлық мәліметтерді тексеріп алғаны жөн.
8. Қорытынды кезең: мемлекеттік баж салығын төлеу керек. Өз деректеріңізді тексеріп, «Төлеу» батырмасын басыңыз.
- мемлекеттік тіркеу нөмірлік белгісі үшін (автокөлікке 2.8 АЕК, мотоцикл мен тіркемеге 1.4 АЕК);
- көлік құралын тіркеу туралы куәлік (1.25 АЕК);
- көлік құралын тіркеу үшін алынатын алым (0.25 АЕК).
9. Төлем жасау аяқталғаннан кейін сатып алушыға өтінішті растауға арналған диалогтік терезе қолжетімді болады.
Расталғаннан кейін өтініш ҚР ІІМ-нің ақпараттық жүйесіне жіберіледі, онда қызметкер автокөлікті оның жаңа иесінің атына тіркейді, ал көлік құралын сатушы мен сатып алушы жеке кабинеттерінде дайын болғаны жөнінде хабарлама алады.
Дайын болғаны расталғаннан кейін сатушыға ескі техникалық құжат пен мемлекеттік нөмірлерді сатып алушыға беру қажет. Ал сатып алушыға ескі нөмірлерді құжаттарымен бірге өткізіп, жаңасын алу үшін өзі сұраным толтыру барысында көрсеткен мамандандырылған ХҚКО-на немесе ТЕБ-не бару қажет. Не болмаса пошта курьерін күтіп, көліктің бұрынғы иесінен қалған дүниелерді өткізіп, одан МТНБ-ін құжаттарымен бірге алу керек.
Нені ескерген жөн
- Аймақтарда автокөліктерді тіркеу egov.kz арқылы жүзеге асырылмайды. Бұл рәсім тек мамандандырылған ХҚКО бар облыс орталықтарында ғана жасалады.
- Үлгіге сай, онлайн-тіркеу рәсімі 60 минуттан астам уақытты алмауы тиіс.
- Қайта тіркеу рәсімі басталған сәттен ол аяқталғанға дейін көлікті жүргізуге тыйым салынады.
- Мемлекеттік нөмірлер мен техникалық құжатты курьер арқылы жеткізіп беру қызметі Қазақстанның Атырау қаласынан басқа барлық облыс орталықтарында қолжетімді. Бұл қалада мамандандырылған ХҚКО жоқ. Аймақтарда жеткізіп беру қызметі жоқ.
- Егер сұраным сағат 16:00-ге дейін жіберілген болса, көлік сол күні-ақ есепке қойылады. Мамандандырылған ХҚКО-нда мемлекеттік нөмірлер мен құжаттар беріледі немесе үйге жеткізіледі. Егер сұраным сағат 16:00-ден кейін рәсімделген болса — аталған рәсім келесі күні жүзеге асады.
- Сатушы мен сатып алушы, автокөлікті есептен шығару мен қайта есепке қоюға келісім бермес бұрын көлік үшін төлем жасауды ұмытпаңыздар. Мұқият болыңыздар!
Комментариев: 0