Алматыдағы шеру кезінде көлігі ұрланған, бүлінген тұрғындар не істеуі керек?

Әсем қалада содырлар лаң салғанда талай көлік оққа ұшып, зақымдалды. Түгі қалмай өртенгені де аз емес. Кейбірін қаскөйлер айдап кеткен. Қала көшелері жарамсыз техникадан тазартылып жатқандықтан, әзірше олардың саны нақтыланбады.

Машинаны қалай табуға болады?

Жергілікті комендатура Kolesa.kz редакциясына тәртіпсіздік кезінде жоғалған көлікті іздеу үшін оқиға болған аумақтағы полиция бөлімшесіне жүгіну керек екенін айтты. Арыз жазғанда жеке куәлік пен техникалық құжатты қоса беру қажет.

Мою машину: сожгли, угнали, расстреляли в ходе беспорядков в Алматы. Что делать?

Арызды бөлімшеде немесе eGov.kz сайты арқылы беруге болады.

Заң бойынша жеке мүлкін автомобильдің иесі немесе оған бас сенімхат арқылы иелік ететін тұлғалар ғана талап ете алады. Ал «сақтандыру» арқылы көлік мініп жүрген жүргізушілерге машина атына тіркелген адамды іздеуге тура келеді.

Көлік зақымдалды. Сақтандыру бойынша төлем жасала ма?

Сақтандырушылар бүлінген көлік үшін сақтандыру полисі бар азаматтар да, мүлкін ерікті сақтандырғандар да ақы ала алмайтынын хабарлады. Себебі міндетті сақтандыру полисінде зақымның дәл осы түрі көрсетілмеген, ал мүлікті сақтандыру туралы келісімшартта төтенше жағдай кезінде келген зақым сақтандыру есебінен өтелмейтіні жазылған. Бұқаралық шеру нәтижесінде келген зиянға қатысты жазба жаңа шарттарда пайда болады.

Мемлекет өтемақы төлей ме?

Әзірше жоқ. Бірақ жедел желі арқылы жауап берген заңгерлер тұрғындарға көліктің бүлінгенін дәлелдейтін фотосурет, бейнежазба, куәгерлердің түсінігі мен полицияға жазған арыз және оған берілген жауаптың көшірмесін жинауға кеңес берді. Олардың айтуынша, өтемақыны кім беретіні әзірше нақтыланбады. Бірақ қазір кәсіпкерлерге қолдау көрсетіп жатқан мемлекет көлік иелерін де ескерусіз қалдырмауы мүмкін. Кімнің атына арыз жазу қажет екенін Kolesa.kz кейін хабарлайды.

Еске салайық, Алматыда содырлар шабуылынан зардап шеккен тұрғындар мына телефон нөмірлері арқылы қорғаушылардан тегін көмек ала алады: