Неміс спорткроссоверімен «Тачки на прокачку» шоуымен танымал Калифорниядағы West Coast Customs шеберханасы айналысты. Тюнерлер Cayenne GT-дің жолаушылар бөлігін шамамен бір метрге ұзартты, артқы ашылатын есіктердің орнына электрлі жылжымалы есіктер орнатты, осылайша дөңгелек базасы созылды. Клиренсі айтарлықтай төмендегендіктен капоты бар минивэнге ұқсайды.
Сырт келбетін назардан тыс қалдырсақ, салоны кеңейіп, көлікке кіріп-шығу жеңілдеген. Бірақ бұл жағдайда люкс микроавтобус алып, оны жайлы опциялармен жабдықтау оңайырақ емес пе? Тапсырыс берушінің қаржылай қысылмайтынын ескерсек, бұл мәселе үлкен қиындық тудырмауы керек. Өйткені бұл Meta-ның басшысы Марк Цукербергтің тапсырысы, оның байлығы соңғы деректерге сәйкес 206 миллиард долларға жеткен.
Дегенмен Марк бұл созылған Cayenne-ді өзі жүргізе қоймас, себебі ол көбіне Porsche 911 GT3 Touring сияқты қарапайым модельдерді тізгіндегенді ұнатады. Жаңа автомобиль оның әйелі Присцилла Чан мен үш баласына арналған.
Комментариев: 0