Ұлыбританияның Қауымдар палатасының депутаты Фиона Онасанья 30 жыл ішінде түрмеге қамалған алғашқы парламент мүшесі болды. Сот барысында әйел адамның жылдамдықты асырғанымен қоймай, сол аралықта телефонмен хабарлама жібергені де айтылды, — деп хабарлайды Ресейдегі BBC қызметі.
Оқиға 2017 жылдың шілде айында болған. Ол кезде депутаттың көлік тізгініндегі әрекеті қамераларға жазылып қаған еді. Құрылғылар Фионаға тиесілі ескілеу Nissan Micra(!) көлігінің жылдамдық сағатына 50 шақырымға дейін шектелген жол бөлігінде 66 км/сағ жылдамдықпен қозғалғанын көрсетіпті. Бейнежазбаны егжей-тегжейлі зерттеу барысында оның жолға емес, телефон экранына қарап отырғаны анықталған.
Онасанья сол сәтте рөлде өзі емес, оның пәтерін жалдаған ресейлік Алекс Антиповтың отырғанын айтыпты. Алайда, тергеу барысында Антиповтың ол кезде Ресейдегі үйінде болғаны анықталған. Нәтижесінде сот әйел адамды жол ережесін бұзып, әділ шешім қабылдауға кедергі жасағаны үшін кінәлі деп тауып, үш ай түрмеге қамау жазасын кесті. Сонымен қатар, депутат Лейбористік партиядан шығарылды.
Комментариев: 0