Өткен жылдың басында елміздің жанармай нарығында бағаның сәл өсуі байқалды. Бірақ карантин жариялануына байланысты отын құны қайта төмендеді, ал жаздан бастап жанармай құю бекеттеріндегі баға негізінен тұрақты болды. Желтоқсан айының соңына дейін АИ-92 бензинінің орташа бағасы литріне 149,7 теңгені құрады.
Бірақ бұл тұрақтылық ұзаққа созылған жоқ. 2021 жылдың алғашқы екі айында 92-нің құны көтерілді. 28 ақпанда орташа баға 152,7 теңге болды. Яғни әр литрі үш теңгеге қымбаттады деген сөз.
Ірі жанармай құю желілерінің бәрінде АИ-92-нің бағасы өзгерді. Тек Petro Retail компаниясына тиесілі «ҚазМұнайГазда» ғана АИ-92 бұрынғыдай 150, ал дизель 183 теңгеден сатылып жатыр.
Ең көп өсім «Газпромда» тіркелді. Оларда АИ-92 2020 жылдың соңында 154 теңге болған, ал қазір 159 теңгеге көтерілді. Бірақ дизель екі теңгеге арзандап, 185 теңгеден сатылуда.
Өзгелері наурыз айының басында бағаны 2-4 теңгеге көтерді. Сонымен, қазір Helios-та жанармай 150 теңгенің орнына 154-тен, Sinooil мен Royal Petrol-да 155 теңгеден сатылып жатыр (бұрын 152 тг болған).
АИ-92 бензині мен дизельді отынның 2021 жылғы наурыз айының басындағы бағасы
| Желі атауы | АИ-92, тг | Дизельді отын, тг |
| Helios | 154 | 185 |
| Sinooil | 155 | 185 |
| Royal Petrol | 155 | 185 |
| Газпром нефть | 159 | 185 |
| ҚазМұнайГаз (Qazaq Oil) | 150 | 183 |
| PetrolASIA | 145 | 179 |
Комментариев: 0