Автосалоннан алынған немесе шетелден жеткізілген машиналарды бастапқы есепке қоюға қатысты мәселе кеше түсте басталды. Kolesa.kz-ке «Азаматтарға арналған үкімет» өкілдері хабарлағандай, оқиға бүгін қайталанды. Мамандандырылған ХҚКО өтінім қабылдап, алым-салық төленгенін тексеру үшін кеденшілерге жібереді, бірақ кеден қызметкерлерінен жауап келмейді. Мәселе бүкіл елді қамтыды.
Қаржы министрлігінің баспасөз қызметі кеденшілердің деректер базасының жұмысынан кешелі бері ақау шыққанын растады. Комитет өкілдері қазір мамандар жүйені қалпына келтіру үшін жұмыс істеп жатқанын айтты, бірақ көлікті тексеру қызметі дәл қай уақытта іске қосылатыны белгісіз.
Комментариев: 0