Жүргізуші куәлігін сенбі күні де алуға болады

Қызмет алуға келетін адам көп болғандықтан, «Азаматтарға арналған үкімет» мамандандырылған ХҚКО-ның жұмыс кестесін өзгерту туралы шешім шығарды. Енді Ақтөбе, Атырау, Орал, Ақтау және Қызылордадағы кезекші орталықтар сағат 10:00-ден 14:00-ге дейін өтініш қабылдап, 16:00-ге дейін құжат береді. Ал басқа қалаларда 9:00-ден 13:00-ге дейін өтініш беріп, 15:00-ге дейін құжат алуға болады.

Мемлекеттік корпорация жүргізушілер «Мобильді ХҚКО» және eGov mobile қосымшасы немесе EgovKzBot2.0 телеграм-боты, eGov порталы, 1414 бірыңғай байланыс орталығының нөмірі арқылы алдын ала кезекке тұруға болатынын хабарлады.

Қазір көптеген қызмет eGov порталы, eGov mobile қосымшасы және екінші деңгейлі банктердің мобильді қосымшасында қолжетімді.