Арнайы ХҚКО-дағы жемқорлық: мамандар 100 млн теңгеден аса пара алған

Жыл басынан бері елдегі бірнеше арнайы ХҚКО-да пара алмақ болғандар анықталды. Бұл туралы Ұлттық қауіпсіздік комитетінің Сыбайлас жемқорлыққа қарсы қызметі хабарлады.

Астанада арнайы ХҚКО басшысының бұрынғы орынбасары ұсталған. Ол жүргізуші куәлігін алсақ деп емтихан тапсырғандарға көмектескені үшін жүйелі түрде ақша алды деген күдікке ілінді. ҰҚК жалпы сомасы 100 млн теңгеден асатын 60-тан аса фактіні тіркеген.

Көкшетаудағы арнайы ХҚКО филиалы мен Екібастұздағы «Азаматтарға арналған үкімет» басшылары да осыған ұқсас күдікке ілікті. Құзырлы орган оларға емтиханды жалған тұлғалар арқылы тапсыруды ұйымдастырды деген айып тақты.

Аталған фактілер бойынша сотқа дейінгі тергеу жұмысы жүріп жатыр.