Жүргізуші куәлігін өзі оқып алуға тыйым салынды

Емтихан тапсыру және жүргізуші куәлігін беру ережелерінен А және В, сондай-ақ А1 және В1 категориясын өздігінен оқып куәлік алу тармағы алынып тасталды.

Бұйрық 2024 жылғы 12 сәуірде жарияланды және он күннен кейін күшіне енеді. Осы күннен бастап куәлік алғысы келетіндер көлік жүргізуге рұқсат беру туралы № 073/у медициналық анықтаманы және курс бітіргені туралы автомектеп берген анықтаманы көрсетуі қажет.

Қазақстанда жүргізушілерге өз бетінше дайындалуға 2016 жылы рұқсат етілген болатын. Бірақ 2022 жылы депутаттар бұл ережеден бас тартуды ұсынды.

Арада екі жыл өтті, нәтижесінде 23 сәуірден бастап теориялық және практикалық сабақтарды аяқтаған автомектеп курсанты ғана құжат ала алады.

Мәжiлiсмен жол ережесіне енгiзген өзгертулердi қабылдағаннан кейiн мопед жүргізушілері не істеуі керек деген сұрақ туындайды? Ішкі істер министрлігінің есебі бойынша, қазір Алматыда ондаған мың мопедист бар, ал мегаполисте мотоцикл жүргізушілерін дайындайтын автомектептер саусақпен санарлық. Жеке мотоцикл мектептері әдетте тек көлік жүргізуді үйретеді және сертификат бермейді.

ҚР ІІМ Әкімшілік полиция комитеті бұған дейін Kolesa.kz редакциясына мопедистерді мотоцикл жүргізушілері сияқты оқыту жоспарланып отырғанын түсіндірді. Олар арнайы қызмет көрсету орталығында дәл солар сияқты емтихан тапсырады. Бірақ мопед иелері қай жерде оқиды? Бұл сыбайлас жемқорлыққа әкеле ме?