АҚШ-тағы Мичиган штатында екі жылға жалғасқан тергеу жұмыстары нәтижесінде 41 жастағы Джейсон Гиббске жаңа көліктердің 2 000 салпыншағын ұрлады деген ресми айып тағылды.
CSX Transportation көлік компаниясында жұмыс істеген ол вагонға тиелетін жаңа машиналарды тұраққа қоюмен айналысқан. Автокөліктер теміржол станциясына жабылмаған күйде жеткізіліп отырған, ал екі кілті ішінде жататын. Алайда дилерге тек бір кілт жетеді екен.
Ең қызығы, 2017 жылдың желтоқсанынан бері жасалып келе жатқан қылмыс тек 2018 жылдың наурызында алғаш көзге түсіпті. Оның үстіне, оны полиция емес, автоөндірушілердің бірі анықтаған. Ford қызметкерлері eBay-ден F150 пикаптарына тиесілі үш салпыншақты сатып алып, код арқылы өз өнімдері екеніне көз жеткізеді. Кейін онлайн-аукциондағы есептік жазба Гиббстің атына тіркелгені белгілі болады.
Алты ай ішінде әккі ұры 1 914 салпыншақ сатып, 60 570 доллар пайда тапқан.
Комментариев: 0