ҚР ИИДМ республикалық тас жолдардың кей бөлігін ақылы ету туралы бұйрыққа өзгерiс енгізді. Жоба бойынша шенділер ақылы жол маңында тұратын жүк көлігі мен автобус иелері үшін абоненттiк төлем енгізуді ұсынып отыр.
Абонемент бағасы орын саны мен жүк көтергіштігіне байланысты айына 2–10 АЕК (6126–30 630 теңге), жылына 10–100 АЕК (30 630–306 300 теңге) болады. Ал жеңіл көлік жүргізушілері абонементті бір жылға ғана ала алады.
Қазір ақылы жол бөліктеріндегі тариф мынадай:
- жеңіл машина — 1 теңге/км (ақылы жол маңында тұратын жүргізушілер 1000 теңге төлеп, бір жылға абонемент сатып ала алады);
- орын саны 16-дан аспайтын автобус пен жүк көтергіштігі 1–2.5 тонна жүк көлігі — 5 теңге/км;
- 32 орынды автобус және 5.5 тоннаға дейінгі жүк көлігі — 10 теңге/км;
- орын саны 32-ден көп автобус және 10 тоннаға дейінгі жүк көлігі — 15 теңге/км;
- 10–15 тонна көтеретін жүк көлігі — 20 теңге/км;
- 15–25 тоннаға дейінгі жүк көлігі — 25 теңге/км.
Былтыр жүк көлігі жүргізушілерінің наразылығынан кейін шенділер тарифті төмендетуге уәде берген, бірақ ИИДМ ұсынған жобаға қарасақ уәде орындалмаған секілді. Жаңа тариф белгіленбепті.
Айта кетейік, Kolesa.kz мобильді қосымшасы арқылы жол ақысын екі есе арзан төлеуге болады.
Комментариев: 0