Оқиға 13 шілде күні 17:44 шамасында Түркістан облысы, Сайрам ауданындағы Алматы — Термез тас жолының 657-шақырымында, Ақсу ауылынан бес шақырым жерде болды, Өңірлік ТЖД хабарлағандай, Volvo жүк көлігінің 25 жастағы жүргізушісі рөлге ие бола алмай қалған. Машина көпірдің қоршауын бұзып, тас жолдан ұшып кетеді де, аударылады. Артынша көлік өртене бастайды. Жүргізуші отқа оранған машинадан шығып үлгерді, алайда оның әріптесі көз жұмды.
Ауыр техниканы тізгіндеген адам мен оның серіктесі — Қырғызстан азаматтары. Қаза тапқан кісінің жеке басы анықталып жатыр. Болжам бойынша фура жаңбырдан кейінгі дымқыл асфальтта тайып, жолдан шығып кетуі мүмкін. Өрт тек бір сағаттан соң сөндірілген, бұл уақытта көлік толығымен жанып кетті.
Комментариев: 0