Жол салушылар мұндай жолақтар қауіпті жол бөліктерінде жүргізушілердің жылдамдықты бəсеңдетуіне септігін тигізеді деп үміттенеді.
Kolesa.kz тілшісіне ҚР ИИДМ Автомобиль жолдары комитетінің баспасөз қызметі хабарлағандай, 400 метрлік жолақтан сағатына 90 км жылдамдықпен өткенде 18 секунд Абайдың «Көзімнің қарасы» əнінен үзінді естіледі. Бұл əзірше пилоттық жоба. Келер жылы басқа да республикалық жолдарда əуен ойнату жоспарланып отыр.
Анықтама ретінде:
Дыбыс шығаратын жолақ — бұдырлы сызық түріндегі арнайы жол таңбасы. Оны жылдамдықты шектен тыс асыру салдарынан болатын апаттардың алдын алу және шаршап отырған жүргізушінің көңілін көтеру үшін орнатады. Одан өткенде сезілетін діріл рөлдегі адамның жолда мұқият болуына жағдай жасайды. Шулы таңбаны музыкалық жолаққа айналдыру өткен ғасырдың 90 жылдары басталды. Қазір асфальттан шығатын əуенді Германия, Корея, АҚШ жəне Жапонияда тыңдауға болады.
Комментариев: 0