«Әділдік жолы» республикалық қоғамдық бірлестігі ҚР Сыбайлас жемқорлыққа қарсы іс-қимыл агенттігімен бірлесіп, тозығы жеткен жолдар мен жол салу, жөндеу және күтіп ұстау кезіндегі сыбайлас жемқорлық туралы арыз-шағым жинап жатыр. Осы мақсатта 15 тамыз бен 15 қыркүйек аралығында елде «Әділдік талап ет!» акциясы өтеді. Adildik.kz сайты арқылы сапасыз жолдың суретін қоса жүктеп, шағым жазуға, сондай-ақ 1463 call-орталығына қоңырау шалуға мүмкіндік бар.
Ұйымдастырушылар жол сапасын қоғам болып бақылау әлемдік тәжірибе екенін айтады және жол құрылысымен байланысты жобалар сыбайлас жемқорлықтан ада емес екені анық, сол үшін Қазақстан да осындай тәжірибені қолдануы керек деп санайды. Жол жабынын жөндеуге жыл сайын қыруар қаржы жұмсалады. Биыл 11 мың шақырым жолды жөндеу үшін 600 млрд теңге бөлінген. Дүниежүзілік экономикалық форумның Жаһандық бәсекеге қабілеттілік индексінде Қазақстан жол сапасы бойынша 138 елдің ішінде 108-орында тұр.
Акция басталған алғашқы күннің өзінде сапасыз жолдарға қатысты 30-ға жуық арыз-шағым түскен. Оның арасында 2020 жылы 739 млн теңге жұмсап жөнделген Ақтөбе — Болгарка — Шұбарқұдық тас жолы да бар.
Комментариев: 0