«Қазір айыппұлға мән бермей, ережені жиі бұзатындар бар. Олармен күресу үшін балдық жүйе енгізуді қарастырып жатырмыз. Бұл жүйе әр құқық бұзушылықты және оның ауырлығын ескереді. Жол ережесін өрескел әрі үнемі бұзатындар айыппұл арқалайды және жүргізуші куәлігінен бір жылға қағылады», — деді үкімет отырысында Ішкі істер министрі Ержан Сәденов. Ведомство басшысы ІІМ заңнамаға енетін өзгерісті жақында Құрылтайдың қарауына жібереді деді.
Премьер-министр Олжас Бектенов полицияға жол ережесін үнемі бұзатындарға қатысты шараларды қайта қарауды тапсырды.
«Біздің ортақ міндетіміз — жолдағы қауіпсіздікті қамтамасыз ету, жол апаты мен адам өлімін азайту. Мұндай адамдар айыппұлды жеңілдікпен төлемеуге тиіс. Керісінше құқық бұзушылық санына қарай айыппұл сомасы өсуі керек», — деді үкімет басшысы.
Бұған дейін полиция айып балын енгізу туралы жоспарын жариялады:
- Балл есептеу үшін тәртіп сақшылары деректі Бас прокуратураның Әкімшілік іс жүргізудің бірыңғай тізілімінен алады.
- Жүргізуші ереже бұзған сайын
1-3 ұпай (ауырлығына қарай) алып отырады. Қанша балл берілетіні әзірге талқыланып жатыр. - Бір жылда 20 ұпай жиналса куәлік бірден күшін жояды.