Қызықты оқиғасымен Бауыржан Сүлейменов Yvision.kz парақшасында бөліскен. Жуырда ол жаңа төлем картасын алу үшін қазақстандық банктердің біріне жүгініп, сол жерде жеке шотының сот орындаушысы тарапынан бұғатталғанын біліпті.
«Борышкерлердің тізімі жарияланған сайттан мен 01.01.2018 ж. туылған (туылған жылына назар аударыңыздаршы) Султанбеков Бауржан Муратович есімді Шымкенттік тұрғынның жарық шамдарын жақпай, ереже бұзғаны үшін 7 215 теңге көлемінде айыппұл арқалағанын анықтадым. Бұл жәйт 2018 жылдың 3 маусымында Шымкент қаласында болған. Қаулыда менің ЖСН-ім, жеке куәлігімнің нөмірі мен оның берілген күні (олар оны қайдан алған?) көрсетілген. Қаулыны ОҚО ІІД-нің Шымкент қалалық ІІБ-ның әкімшілік практика инспекторы аға лейтенант Нуржаев Н.У. шығарыпты», — деп жазады автор.
«Неге мен немесе басқа адам полиция қызметкерлерінің селқостығынан зардап шегуі тиіс? Мүмкін бұл бірлі-жарым кездесетін жағдай емес шығар және мұндай келеңсіздіктер көп те болар. Мұндай жөнсіздіктен қалай сақтануға болады?» — деп сұрақ қояды Б. Сулейменов.
ҚР ІІМ бұл сұраққа жауап бере алар ма екен?
Комментариев: 0