2019 жылы Солтүстік Каролинада өзен түбінен Acura NSX суперкары табылған. Оны басқа көлікті іздеп жүрген полицейлер кездейсоқ көріп қалыпты. 1990 жылғы NSX-ті ұрылар 90 жылдары айдап кеткен, содан бері ол туралы еш мәлімет болмаған.
Әдетте мұндай техника мән-жай анықталған соң қоқыс өңдейтін жерге кетеді, бірақ бұл көліктің жолы болды. Ол саудаға түсіп қана қоймай, жаңа иесін тапты. Acura NSX үшін 8.5 мың доллар санап берген адам машинаны зауыттан шыққандағы қалпына келтірем деп уәде берді.
NSX-ті ерекше жақсы көретін Бекка Николь Джонсон деген әйел суға батқан көлікті бөлшектеп, басқа NSX-тердің өмірін ұзату үшін бар бөлшегін таратып беру керек деп есептейді.
Honda/Acura NSX-тің алғашқы буыны он бес жылдан аса уақыт жасалып, 2005 жылға дейін 18 мың данасы жарық көрді. Сақталған машиналардың бәрі жолда жүр және иелерінің ойынша жыл санап құны артып барады.
Комментариев: 0