BYD алғашқы пикабын «акула» деп атайды

BYD бренді Shark-ты таныстыруға қызу дайындалып жатыр. Әзірше түрі қандай болатынын көрсетуді жөн көрсе керек, әлеуметтік желідегі ресми парақшасында пикаптың бірнеше фотосын жариялапты.

1 / 4

• 
• 
• 
• 

1 / 4

«Шарк» дизайны тосын сый болды дей алмаймыз, өйткені біраз уақыт бұрын камуфляжды прототип көзге түскен. Жаңа суреттер алдын бойлай жарықдиодты жолақ орналасады, боялмаған пластиктен жасалған қорғаныш бастырығы болады деген болжамды растады. Бірақ компания көлік интерьерін әлі құпия ұстап отыр.

Toyota Hilux, Mitsubishi L200 және Ford Ranger-дің болашақ бәсекелесінің техникасына қатысты да мәлімет жоқтың қасы. Тек оның гибрид екенін білеміз. Аустралия мен Қытайдағы БАҚ жалпы жүріс қоры мың шақырымға жетіп, электр күшімен 100 км жүре алатын шығар деп топшылап отыр. Күштік құрылымы жалпы 680 ат күші мен 760 Нм момент беретін турбомотор мен екі электромотордан тұруы мүмкін.