Жер сілкінісі кезінде Алматыда қанша сұйық отын сатылды

Қаңтардың 22-сінен 23-іне қараған түні болған зілзала Алматы тұрғындары мен қонақтарын қаладан шығуға мәжбүр етті. Сол себепті түн ортасы болса да көшеде кептеліс пайда болып, жанармай құю бекеттерінде кезек көбейді.

Tengrinews.kz порталы хабарлағандай, өткен түнде, дәлірек айтсақ сағат 00:00-ден таңғы 09:00-ге дейін Алматыдағы жанармай бекеттері 1880 тонна АИ-92 маркалы бензин сатты. Қаланың күнделікті қажеттілігі 1808 тонна. 400 тонна АИ-95, 900 тонна дизель өтіпті. Бұл сұйық отын түрлерінің нормасы — 800 және 1070 тонна.

Таңғы брифингте Сейсмологиялық байқау және зерттеулер ұлттық ғылыми орталығының директоры Дәулет Сәрсенбаев жер асты дүмпуі кезінде жанармай бекеттеріне бару қауіпсіз бе деген сұраққа жауап бере отырып, ол жерде жойқын жер сілкінісі болған жағдайда жарылыс және өрт шығуы мүмкін екенін айтты. Мұндай жағдайда адамдардың бір жерде көп шоғырлануы жақсы идея емес.

Kolesa.kz редакциясы сейсенбі, 23 қаңтар таңда қалада кептеліс болмағанын байқады. Қарбалас уақытта (8:33) «Яндекс» карта толығымен жасыл түсті, көлік кептелісінің үш балын көрсетіп тұрды.