«Қазақстан даму банкі» АҚ-ы Ұлттық банктің 2019 жылдың 31 мамырындағы қаулысымен бекітілген отандық өндірістен шыққан жеңіл көліктерді сатып алушыларды несиелеу бағдарламасының іске қосылғаны жөнінде есеп берді.
Іс жүзінде ол 2015 жылы пайда болған бізге таныс жеңілдетілген несие бағдарламасын дамытудың келесі қадамы болып табылады. Бағдарлама аясында бес жыл ішінде ел бюджетінен 100 млрд теңге, яғни жыл сайын 20 млрд теңгеден бөлу жоспарланып отыр.
Бөлінген қаражатттың 14.5 млрд теңге көлеміндегі алғашқы легі банктерге жіберілді. Ақшаны алған банктер:
- Қазақстан халық банкі (4 млрд теңге);
- Сбербанк (7.5 млрд теңге);
- Банк ВТБ (Қазақстан) (3 млрд теңге).
ҚДБ мамандары қалған 5 млрд теңгенің екінші деңгейлі банктердің шотына 2019 жылдың соңына дейін аударылатынын айтты. Бағдарламаның шарттары жеңілдетілген несие бағдарламасымен бірдей. Оның аясында «Азия Авто» АҚ-ы не «СарыарқаАвтоПром» ЖШС-нің конвейерінен шыққан Қазақстанда құрастырылған кез келген автокөлікті алуға болады. Мұнда сөз Kia, Chevrolet, Škoda, Hyundai, Lada, UAZ, JAC, Peugeot және Ravon маркалы көліктер жайлы болып отыр.
| Көрсеткіш | Шарты, мәні |
| Сатып алынатын автокөліктің ең жоғарғы бағасы | 15 млн теңге |
| Қарыз мерзімі | 7 жылдан ұзақ емес |
| Қарыз валютасы | Теңге |
| Атаулы жылдық сыйақы мөлшерлемесі | 4 %-дан жоғары емес. Бұл ретте қарыз алушы үшін Ұлттық банк анықтайтын сыйақы мөлшерлемесі қарыз алушының сақтандыру мен автокөлікті кепілге қою бойынша кеткен шығындарын есепке алғанда, жылына 7.5 %-дан аспауы тиіс. |
| Басқа шарттар | Қарыз алушылар отандық өндірістен шыққан жеңіл автокөлікті сақтандыру және кепілге қою бойынша шығындарды төлейді. |
| [1] Қарыздар мен салымдар бойынша шынайы, жылдық, тиімді, салыстырмалы есептеудегі сыйақы мөлшерлемелерін (нақты құнын) есептеу қағидаларын бекіту туралы Қазақстан Республикасы Ұлттық Банкі Басқармасының 2012 жылғы 26 наурыздағы № 137 Қаулысы | |
Кolesa.kz сайтында автокөлікті несиеге алу мүмкіндігі бар. Сіз онлайн өтініш беріп, автонесие туралы шешімді бір минут ішінде біле аласыз!
Комментариев: 0