Жедел жәрдем бағдаршам сигналын күтпейді

Cellular Vehicle-to-Everything (C-V2X) желісі арқылы ақпарат алу технологиясын қолданатын бағдаршам әзірленіп жатыр. Бұл істі Ford мамандары Аахендегі университеті, мобильді байланыс операторлары және Германияның құзырлы органдарымен бірлесіп атқарады. Тәжірибе барысында C-V2X аппараты бар сегіз бағдаршам қала көшелерінің біріне қойылады да, арнайы сезгектермен жабдықталған Ford Kuga белгіленген бағыт бойынша жүріп өтеді.

Осылайша «ақылды» бағдаршамдар өз бетінше, яғни басқару орталығының көмегінсіз дәрігерлер мен құтқарушылардың діттеген жеріне кешікпей жетуіне жағдай жасайды. Машинадағы круиз-бақылау құбылмалы қозғалыс қарқынына бейімделетіндіктен, жүргізуші тек электроника жұмысын қадағалайды.

1 / 5

• 
• 
• 
• 
• 

1 / 5

Құрылғы шұғыл көмек беретін қызмет үшін аса маңызды, өйткені мамандардың есебінше, жол апаты болған орынға жедел жәрдем төрт минут ерте жеткенде адамдардың аман қалуы 40 % жоғары болады екен. «Интеллектуалды басқарылатын бағдаршам әр секунд маңызды болатын кезде адам өмірін сақтауға көмектеседі, сонымен қатар күту уақытын қысқартып, ауаға тарайтын зиянды газ мөлшерін азайтады», — дейді Майкл Рейнартц компаниясының тұтыну қызметі мен инновация бойынша директоры Майкл Рейнартц.