Кәмелетке толмаған азамат Е классты Mercedes-Benz-тің алдыңғы әйнегіне стробоскоп пен дабыл белгісін орнатып алып, Талдықорған көшелерін кезген. Оның үстіне, өз әрекетін видеоға түсіріп, әлеуметтік желіде жариялапты. Ол жүктеген роликтер тәртіп сақшыларының да назарына ілікті.
Mercedes-Benz ұсталып, айып тұрағына жіберілді. Жүргізуші куәлігі жоқ Талдықорған тұрғынының атына Әкімшілік кодекстің 596-бабының 5-бөлігі (15 АЕК), 603-бабының 1-бөлігі (50 АЕК) және 612-бабының 2-бөлігі (20 АЕК) бойынша үш хаттама толтырылды", — деп хабарлады Алматы облысы полиция департаментінің баспасөз қызметі.
Темір тұлпарды жүргізуші куәлігі жоқ адамның басқаруына берген көлік иесі де жазасыз қалмады. Ол 50 АЕК мөлшерінде айыппұл төлейді.
Комментариев: 0